Stefna um inngildingu og fjölmenningu fyrir íþrótta- og æskulýðsfélög

Með því að innleiða stefnu um inngildingu og fjölmenningu lýsir félagið því yfir að það bjóði öll börn og ungmenni velkomin og stuðlar að inngildingu barna og ungmenna af erlendum uppruna og/eða með flóttabakgrunn á öllum sviðum félagsins og stuðlar að virkri þátttöku þeirra, hlutdeild, öryggi og sýnileika. Það á einnig við um forsjáraðila þeirra barna og ungmenna sem stefnan nær til.

Félagið skuldbindur sig til þess að vinna að markmiðum sem sett eru fram í stefnunni, sem öll eiga það sameiginlegt að stuðla að opnu og öruggu umhverfi fyrir öll börn og ungmenni, með aðgerðum sem félagið skilgreinir.

Markmiðin og aðgerðirnar í stefnunni eru ekki tæmandi og er hvert félag er hvatt til þess að aðlaga stefnuna að sínu félagi og sinni starfsemi.

Stefna um inngildingu og fjölmenningu byggir á eftirfarandi lögmálum:

• íslenskt samfélag er fjölmenningarsamfélag,
• fjölbreytileiki er styrkleiki sem stuðlar að opnu, jöfnu, víðsýnu og frjálsu samfélagi,
• fjölbreytileiki í uppruna, menningu og trúar- og lífsskoðunum er auðlind sem bera á virðingu fyrir,
• öll eiga rétt á að vera virkir þátttakendur í samfélaginu og tjá og deila menningarlegri arfleið sinni,
• fordómar, hatursorðræða og öfgahyggja er aldrei liðin. Sporna skal gegn slíku samfélagsmeini,
• öll eiga rétt á að gerast meðlimir, taka þátt í starfsemi og fá aðgengi að félaginu. Unnið verður að því að fjarlægja hinfranir fyrir þátttöku.

Úr verkfærakistunni